19 Mar,2025
သမဝါယမနှင့် စီမံခန့်ခွဲမှုပညာတက္ကသိုလ်(စစ်ကိုင်း)တွင် (၁၇.၃.၂၀၂၅) ရက်နေ့ နံနက်ပိုင်း၌ ကွန်ပျူတာလက်တွေ့ စာမေးပွဲဖြေဆိုနေမှုနှင့် ရေးဖြေစာမေးပွဲ ဖြေဆိုနေမှု အခြေအနေများကို ပါမောက္ခချုပ် ဦးဆောင်၍ ဒုတိယပါမောက္ခချုပ်(သင်ကြား)၊ ပါမောက္ခ(ဌာနမှူး)များ၊ သင်တန်းရေးရာဌာနမှူးနှင့် မော်ကွန်းထိန်းများက လှည့်လည်ကြည့်ရှုစစ်ဆေးခဲ့ပါသည်။
၂၀၂၄-၂၀၂၅ ပညာသင်နှစ် ကွန်ပျူတာလက်တွေ့ စာမေးပွဲများနှင့် Theory ပိုင်း ရေးဖြေစာမေးပွဲများကို (၁၇.၃.၂၀၂၅)ရက်နေ့မှ (၂၄.၃.၂၀၂၅) ရက်နေ့ထိ ကျင်းပပြုလုပ်သွားမည်ဖြစ်ပြီး ၂၀၂၄-၂၀၂၅ ပညာသင်နှစ် ပထမနှစ်၊ ဒုတိယနှစ်၊ တတိယနှစ်၊ စတုတ္ထနှစ်၊ မဟာတန်းပထမနှစ်တို့၏ ပထမနှစ်ဝက်နှင့်ဒုတိယနှစ်ဝက် စာမေးပွဲများကို ကျောင်းသား၊ ကျောင်းသူဦးရေ (၁၃၄၆)ဦး ဖြေဆိုလျက် ရှိပါသည်။
ပါမောက္ခချုပ်မှ ကွန်ပျူတာလက်တွေ့စာမေးပွဲများကို အဆင်ပြေချောမွေ့စွာ ဖြေဆိုစစ်ဆေးပြီးစီးနိုင်ရေးအတွက် လိုအပ်သည်များကို ပေါင်းစပ်ညှိနှိုင်း၍ စနစ်တကျဆောင်ရွက်သွားနိုင်ရန် တာဝန်ရှိသူများကို မှာကြားခဲ့ပါသည်။