- University of Co-Operative and Management, Sagaing

News & Activities |

Teacher’s Capacity Building Training (၁/၂၀၂၄) သင်တန်းဆင်းပွဲ အခမ်းအနား

Administration
29-May-2024

သမဝါယမနှင့်စီမံခန့်ခွဲမှုပညာတက္ကသိုလ်(စစ်ကိုင်း) Teacher’s Capacity Building Training (၁/၂၀၂၄) သင်တန်းဆင်းပွဲ အခမ်းအနား
သမဝါယမနှင့် စီမံခန့်ခွဲမှုပညာတက္ကသိုလ်(စစ်ကိုင်း)တွင် ဆရာ/ဆရာမများ စွမ်းဆောင်ရည် မြှင့်တင်ရေးသင်တန်း (Teacher’s Capacity Building Training)(၁/၂၀၂၄) သင်တန်းဆင်းပွဲ အခမ်း အနားကို ဘွဲ့နှင်းသဘင်ခန်းမ၌ (၂၈.၅.၂၀၂၄)ရက်နေ့ နံနက် (၁၀း၀၀)နာရီ အချိန်တွင် ကျင်းပပြုလုပ် ခဲ့ပါသည်။ အခမ်းအနားတွင် ပါမောက္ခချုပ်ဒေါက်တာမို့မို့ရီ၊ ဒုတိယပါမောက္ခချုပ် (စီမံ)၊ သင်ကြားရေး ဌာနများမှ ဘာသာရပ်ဌာနမှူးများ၊ တွဲဖက်ပါမောက္ခများ၊ (စီမံ၊သင်တန်း၊သုတေသနနှင့်ဖွံ့ဖြိုးမှု) ဌာန များမှ ဌာနမှူးများ နှင့် တာဝန်ရှိသူများ၊ သင်တန်းသား ဆရာ၊ဆရာမ(၂၅)ဦး စုံစုံညီညီ တက်ရောက်ခဲ့ ပါသည်။ အခမ်းအနားတွင် ပါမောက္ခချုပ် ဒေါက်တာမို့မို့ရီမှ အမှာစကားပြောကြားရာတွင် ဤတက္ကသိုလ်သည် ဘက်စုံဖွံ့ဖြိုးမှု၊ ခေါင်းဆောင်မှုနှင့် အသိပညာအတတ်ပညာများကို ဖြန့်ဝေပေး သည့် သင်ကြားမှုဝန်းကျင်ကောင်းများရှိသည့် တက္ကသိုလ်အဖြစ်ရပ်တည်လာသည်မှာ (၁၂)နှစ်ကျော် လာခဲ့ပြီ ဖြစ်သည့်အပြင် Education Sector တွင် သင်ကြား၊သင်ယူမှုမှာ Blended Learning System အသုံးပြုနေသည့်အတွက် သတင်းအချက်အလက် နှင့် နည်းပညာပိုင်းဆိုင်ရာပညာရပ်များ နှင့် အင်္ဂလိပ်စာ ကျွမ်းကျင်မှုတို့သည် အလွန်အ‌ရေးပါလာပါကြောင်း၊ သင်တန်းတွင် သင်ကြားပေးခဲ့သော ဘာသာရပ်များမှ ရရှိလာသော အသိပညာ၊ အတတ်ပညာများသည် ဆရာ၊ဆရာမတို့အတွက် Professional Life မှာ အသိပညာ၊ အတတ်ပညာနှင့် ကျွမ်းကျင်မှုတွေ ရရှိသွားနိုင်ပြီး အထောက်အပံ့ ကောင်းများ ရရှိနိုင်မည်ဖြစ်သဖြင့် Continuous Learning လုပ်ဆောင်သွားကြရန်နှင့် လက်တွေ့ လုပ်ငန်းနယ်ပယ်တွင် အသိပညာ၊ အတတ်ပညာများကို ပြန်လည်အသုံးချသွားရန်၊ အတွေ့အကြုံ ကောင်းများကို ဖလှယ်ပေးကြရန် တိုက်တွန်းမှာကြားခဲ့ပြီး အနာဂတ်ပညာရေးတွင် မရှိမဖြစ် လိုအပ်သော ICT နည်းပညာများ၊ Language Learning and teaching, Communication Skills များ ကျွမ်းကျင်သော နိုင်ငံတော်အတွက် လိုအပ်လျက်ရှိသော အရည်အသွေးပြည့်ဝသည့် ဆရာ၊ဆရာမများ ဖြစ်ကြပါစေဟု ဆုမွန်ကောင်းတောင်းခဲ့ပါသည်။ အခမ်းအနားအစီအစဉ်အရ သင်တန်းတွင် ထူးချွန်ခဲ့ သည့် ဒုတိယဆု နှင့် တတိယဆုများ ရရှိခဲ့သည့် သင်တန်းသူ(၂)ဦးတို့ကို ဒုတိယပါမောက္ခချုပ်(စီမံ)မှ လည်းကောင်း၊ ပထမဆု ရရှိခဲ့သည့် သင်တန်းသူ(၁)ဦးကို ပါမောက္ခချုပ် ဒေါက်တာမို့မို့ရီမှ လည်းကောင်း ဂုဏ်ပြုဆုများ အသီးသီးချီးမြှင့်ခဲ့ပြီးနောက် ပါမောက္ခချုပ် ဒေါက်တာမို့မို့ရီမှ သင်တန်း ဆင်း လက်မှတ်များကို သင်တန်းသား ကိုယ်စားလှယ် တစ်ဦးသို့ ပေးအပ်ချီးမြှင့်ခဲ့ပါသည်။ ဆက်လက်၍ သင်တန်းတွင် သင်ကြားပေးခဲ့သော ICT ဌာန နှင့် အင်္ဂလိပ်စာ ဌာနတို့မှ ဌာနမှူး၊ ခေတ္တဌာနမှူးနှင့် ကထိကများအား ပါမောက္ခချုပ်ဒေါက်တာမို့မို့ရီနှင့် ဒုတိယပါ မောက္ခချုပ်(စီမံ)တို့မှ ဂုဏ်ပြုမှတ်တမ်း လွှာနှင့်ချီးမြှင့်ငွေများ အသီးသီးပေးအပ်ခဲ့ကြပါသည်။ထို့နောက် သင်တန်းသား/ သင်တန်းသူများ ကိုယ်စား သင်တန်းသူတစ်ဦးမှ ကျေးဇူးတင်စကား ပြန်လည်ပြောကြား ခဲ့ပြီးနောက် မှတ်တမ်းတင် ဓါတ်ပုံရိုက်ကူးခဲ့ကြပြီး ဆရာ/ဆရာမများ စွမ်းဆောင်ရည် မြှင့်တင်ရေးသင်တန်း (Teacher’s Capacity Building Training)(၁/၂၀၂၄) သင်တန်းဆင်းပွဲ အခမ်းအနား အောင်မြင်စွာ ပြီးစီးခဲ့ပါသည်။