|
သမဝါယမနှင့် စီမံခန့်ခွဲမှုပညာတက္ကသိုလ်(စစ်ကိုင်း)တွင် (၃/၂၀၂၃) ၂၀၂၄-၂၀၂၅ ပညာသင်နှစ် တွင် ပြောင်းလဲကျင့်သုံးမည့် Assessment System နှင့် စတုတ္ထနှစ်ဘွဲ့ကြိုသင်တန်း Term/ Project Paper များနှင့် ပတ်သက်သည့် သင်ကြားရေးအဖွဲ့ (BOS) အစည်းအဝေး ဖွင့်ပွဲအခမ်းအနား ကို Conference Room ၌ (၁၄.၁၁.၂၀၂၃)ရက်နေ့ နံနက်(၁ဝး၀၀)နာရီအချိန်တွင် ကျင်းပ ပြုလုပ်ခဲ့ပါသည်။ အခမ်းအနားတွင် ပါမောက္ခချုပ်ဒေါက်တာမို့မို့ရီ၊ သင်ကြားရေးဌာနများမှ ဘာသာရပ်ဌာနမှူးများ၊ သင်တန်းရေးရာဌာနမှ ဌာနမှူး၊ မော်ကွန်းထိန်းများနှင့် တာဝန်ရှိသူများ၊ သမဝါယမနှင့် စီမံခန့်ခွဲမှုပညာတက္ကသိုလ်(သန်လျင်) ပါမောက္ခချုပ် ဒေါက်တာရီရီဝင်းနှင့် သက်ဆိုင်ရာ ဘာသာရပ် ဌာနမှူးများ၊ သမဝါယမကောလိပ်(ဖောင်ကြီး)မှ ကျောင်းအုပ်ကြီး နှင့် သက်ဆိုင်ရာဌာနမှူးများ၊ သမဝါယမကောလိပ် (မန္တလေး)မှ ကျောင်းအုပ်ကြီးနှင့် သက်ဆိုင်ရာ ဌာနမှူးများ၊ ယွန်းပညာကောလိပ်(ပုဂံ)မှ ကျောင်းအုပ်ကြီး နှင့် သက်ဆိုင်ရာဌာနမှူးများ၊ ပြင်ပပညာရှင်များဖြစ်သည့် ဒေါက်တာရီရီအေး [ပါမောက္ခချုပ်(ငြိမ်း)] တို့ စုံစုံညီညီ တက်ရောက်ခဲ့ပါသည်။ အခမ်းအနားတွင် သမဝါယမနှင့်စီမံခန့်ခွဲမှုပညာတက္ကသိုလ် (စစ်ကိုင်း)မှ ပါမောက္ခချုပ် ဒေါက်တာမို့မို့ရီမှ အမှာစကားပြောကြားရာတွင် Majorအသီးသီးတွင် တတိယနှစ် ပထမနှစ်ဝက် (သို့မဟုတ်) ဒုတိယနှစ်ဝက်တွင် Research Methodology သင်ကြားရန်နှင့် စတုတ္ထနှစ် ဘွဲ့ကြိုသင်တန်းတွင် Term/Project Paper ကို Credit Unit ပေးရန် ဆွေးနွေးပြောကြားခဲ့ပါသည်။ ထို့နောက် သမဝါယမနှင့်စီမံခန့်ခွဲမှုပညာတက္ကသိုလ်(သန်လျင်) မှ ပါမောက္ခချုပ် ဒေါက်တာရီရီဝင်း အဖွင့်အမှာစကားများ အသီးသီး ပြောကြားခဲ့ပြီးနောက် ဖွင့်ပွဲအခမ်းအနား အောင်မြင်စွာပြီးမြောက်ခဲ့ပါသည်။ ဆက်လက်၍ တက္ကသိုလ်၊ ကောလိပ်များမှ ပညာရှင်များနှင့် သက်ဆိုင်ရာ ဘာသာရပ်များအလိုက် ဆွေးနွေးညှိနှိုင်းခြင်းများကို အစီအစဉ်များကို ကျင်းပ ပြုလုပ်ခဲ့ပါသည်။
သက်ဆိုင်ရာဘာသာရပ်များအလိုက် ပညာရှင်များ ဆွေးနွေးညှိနှိုင်းမှုများကို (၁၄.၁၁.၂၀၂၃)ရက် နေ့မှ (၁၇.၁၁.၂၀၂၃)ရက်နေ့အထိ ဆက်လက်ကျင်းပ ပြုလုပ်သွားမည်ဖြစ်ပါသည်။
   
|