23 Dec,2025
သမဝါယမနှင့်စီမံခန့်ခွဲမှုပညာတက္ကသိုလ်(စစ်ကိုင်း)၏ ၂၀၂၅-၂၀၂၆ ပညာသင်နှစ်၊ ကျောင်းသား/သူများ Internship Program အစီအစဉ်အရ ကျင်းလုံမြန်မာကုမ္ပဏီ(မန္တလေး)နှင့် သမဝါယမနှင့်စီမံခန့်ခွဲမှုပညာတက္ကသိုလ်(စစ်ကိုင်း) ပါမောက္ခချုပ်၊ ဒုတိယပါမောက္ခချုပ် (သင်ကြား)၊ သင်တန်းရေးရာဌာန ဌာနမှူး၊ ဝါဏိဇ္ဇဗေဒဌာနနှင့် စီမံခန့်ခွဲမှုပညာဌာနတို့မှ ပါမောက္ခ(ဌာနမှူး)များနှင့် ဝါဏိဇ္ဇဗေဒဌာနမှ ပါမောက္ခ တို့သည် (၂၅-၁၁-၂၀၂၅) ရက်နေ့တွင် တွေ့ဆုံခဲ့ကြပါသည်။
ထို့နောက် ပါမောက္ခချုပ် ဒေါက်တာဥမ္မာစံမှ “တက္ကသိုလ်အနေဖြင့် စတုတ္ထနှစ် ကျောင်းသား/သူများအား Teamwork ဖြင့် ပူးပေါင်းဆောင်ရွက်တတ်စေရန်၊ Communication Skills နှင့် Real Workplace Experiences များ ရရှိစေရန်၊ စာတွေ့လက်တွေ့ ပေါင်းစပ်ပြီး လုပ်ငန်းခွင်သို့ လွယ်ကူစွာဝင်ရောက်နိုင်စေရန် ရည်ရွယ်၍ Internship Program များကို စီစဥ်ဆောင်ရွက်ပေးလျက်ရှိပါကြောင်း” ဆွေးနွေးပြောကြားခဲ့သည်။
ဆက်လက်၍ စာရင်းကိုင်နှင့်ဘဏ္ဍာရေးပညာအထူးပြုမေဂျာမှ စတုတ္ထနှစ်(ဒုတိယနှစ်ဝက်) ကျောင်းသား/သူ (၂၂)ဦး တို့သည် (၁-၁၂-၂၀၂၅ ရက်နေ့မှ ၆-၁၂-၂၀၂၅ ရက်နေ့ထိ) ကျင်းလုံမြန်မာကုမ္ပဏီ၏ Accounting Internship Programတွင် ပါဝင် ဆောင်ရွက်ခဲ့ကြပြီး စျေးကွက်ဖော်ဆောင်ရေးစီမံခန့်ခွဲမှုပညာအထူးပြုမေဂျာမှ စတုတ္ထနှစ်(ဒုတိယနှစ်ဝက်) ကျောင်းသား/သူ (၂၄)ဦး တို့သည် (၈-၁၂-၂၀၂၅ ရက်နေ့မှ ၂၀-၁၂-၂၀၂၅ ရက်နေ့ထိ) ကျင်းလုံမြန်မာကုမ္ပဏီ၏ Marketing Internship Programတွင် ပါဝင် ဆောင်ရွက်လျက် ရှိပါသည်။